ESKOLEN EZAUGARRIRIK NAGUSIENAK:
HEZKIDETZAILEA
ikuspegi hezkidetzailetik lan egin behar dugula uste dugu, hau da, pertsonaren gaitasunak generotik at saiatuko den ikuspuntutik. Irizpide sexistak jarraituz, emakume eta gizonei ezartzen zaizkien baldintza sozialak alde batera utzi behar ditugu. Hezkidetza gure ikasleriak generoaren arabera hierarkizaturik ez dauden balore, portaera, arau...etab.etan oinarriturik dagoen formazioa jasotzeko aukera izatea da. Halaber, formazio horrek bidezkoa eta parekoa den harreman sistema bat sustatu behar du.
EUSKAL HERRIAN ETA EUSKAL HERRIARENTZAT HEZI

Gure herriak berezko nortasun historiko, sozial, kultural eta politikoa ditu. Ezaugarri horiek guztiak gure formakuntza diseinuetan islatzen ditugu, bai erabiltzen dugun hizkuntzaren bitartez, bai hezkuntza curriculumaren kontextualizazioaren bitartez. Gure aburuz, Euskal Herriarentzako hezitzea gure hizkuntza eta kultura gutxitua sendotzen indarra jartzea da, eta horretara zuzentzen ditugu gure curriculuma zein eskuhartzea.

KRITIKOA
Lan egiteko orduan, errealitatea, gizartea eta pertsonen arteko harremank etengabe aztertzeko jarrera dugu, besteak beste, bilguneen, norbanako eta taldeko gogoeten eta erabakitzeko irizpideen bitartez. Honen guztiaren xedea aldaketak ahalbidetzea da, inguruarekin parte hartzen duen gizarte bidezkoago baten eraikuntza erdiesteko.
DINAMIKOTASUNA
Partehartzea eta ekintza bultzatzez dituzten metodologiak erabiltzen ditugu. Gizabanakoaren eskarmentua eta eguneroko jardueraren bitartez barneratutako ezagutza ustiatzen ditugu talde zein norbanakoaren hazkuntza sustatzeko. Urtxintxak erabili ohi dituen metodologiak hezitzaile eta hezituaren rolak dinamikoki elkartrukatzea lortzen dute.
SORTZAILEA
Gizaki eta taldeen gaitasun sortzailea zein prozesu sortzaileak errazten dituzten egoerak sustatzen dituelako. Horren ondorioz, irakaskuntza-ikaskuntza prozesua oro har aberasten duten estrategia berritzaileak abiarazten dira.
IKERTZAILEA
inguruan edo barnean ematen den guztia aztertzeko jarrera. Aztertzea, arazoak nabarmentzea eta aurre egitea, helburuak egokitzea eta lan ildoak diseinatzea ikerketa-ekintzan oinarritutako metodologiaren urratsak dira.
EGOKITZAPEN ETENGABEA
Kultura, teknologi eta ekoizpen sistemen aldaketak abiadura bizian ematen ari dira. Hortaz, formazio prozesu amaigabe eta jarraitu batean, formazio eskaintza berriak beharrezkoak izango dira.